الكنز

حاولت ان اعرف ما يدور ببال من هم بقربي علي اتمكن يوما من تحقيق بعض امانيهم

لذلك قمت بأرسال سؤال بسيط عن طريق الهاتف
لو طاحت ليال علي كنز وقالت لك طلبي اللي تبينه -شنو راح تطلبين ؟؟
( عذرا السؤال كان باللهجه البحرينيه وكذلك معظم الاجابات )
مع العلم اني اخبرتهم انه كنز ولو ان البعض اعتقد انه مصباح علاء الدين

-اقول للزمان ارجع يا زمان
متزوجه وحانه للعزوبيه

-أبي انتقل للشهر التاسع
حامل بالشهر الرابع

-ابي مليون

-ستر الحال وبس
اجابه تأثرت بها

-قهوه ساخنه من كوستا كوفي بس عشان المقاطعه , وبيت صغير لي بروحي
تعيش العزوبيه , ويسقط ستاربكس

-ما عليك امر 5000 دينار سلف

-ابي الكنز اللي طحتي عليه كله, ولا ناقص منه فلس

-واو , اهم شي تكوني بصحه وعافيه عشان تقدرين تفرحي بالكنز وتفرحي غيرك بعد

-الكنز لك , اطلب أنا ليش ؟؟؟وعلي افتراض وبظروفي هذي , ابي بيت ملك لي مأثث بأحلي وأحسن وأرقي اثاث-وأبي ادخل منتجع صحي في التشيك لاصلح ما افسده الاهمال فيني , وبس

-سلامتك وتصرفينه بالعافيه

-ما هو الكنز الذي تقصدينه؟؟ فما هو كنز بالنسبه لك قد لا يعني ذلك كنز عندي وما هو كنز عندي قد لا يعني ذلك عندك

-سياره, بس ما ابي اخسرك فبطلب 2000 دينار بحريني

-اللي في بالي
ومع علمي بما في بالها -اقول ولا في الاحلام

-تسددين قرضي , ليش ذيك الحزة بتعرفيني ؟؟؟

-والله ما ادري
متخرجه حديثا

-اش عندك ؟ الرعد لحس العقل الباقي عندك

-بطلب منها انها تعطيني كل الكنز وبعمل لها تمثال

صاحبه ذوق فني مميز

- ابي 600000 دينار بس
لزوم القروض وبناء منزل

-ابي 100 الف حق فيلا
متزوج من 3 سنوات

-ما في مجال , اقتلك واخذ الكنز , هذي الحقيقه

-بيت اسكان جديد
القناعه كنز لا يفنى

-اطلب من الله يهنيها
اجابه دبلوماسيه

-طاحت علي كنز ؟؟ عسى ما عورها , سلامات ان شاء الله
ضليعه في قواعد اللغه والصرف

اشوفك مرتاحه وسعيده -

-انا بطلب منك , لكن اللي عندك ما يحقق لي اللي انا اتمناه
اجابه اخري مؤثره

-انك ما تنسيني
عايشه بالخارج

-بطلب انك تفلسين
الحسد والغيره

-وشنهو هذا الكنز؟؟ اذا ما عليك امر بس بيت وسياره اخر موديل واذا كلش رصيد في البنك وجزاك الله الف خير

.......

بعد قرأتي لكتاباتي السابقه ادركت كم الاحباط الذي انشره بكلامي فأعذروني ومنكم السموحه

في النهايه اشكر من ألهمتني علي كتابه هذا البوست هديل
Heaven's Steps