Sunday, December 02, 2007

الكويت بعيون بحرينيه




هذه اول زيارة لي للكويت
الهدف الاساسي من الرحله كان التسوق (بالنسبه للمجموعه) لكن بالنسبه لي كان التسوق هم حاولت التخلص منه فزرت المركز العلمي وابراج الكويت وللاسف قرية يوم البحار كانت مغلقة
وبما ان الكويت تسوق ومطاعم بشهادة اهلها فحصيلتي مما سبق كان المارينا و لفه خارجيه لسوق شرق الافنيوز ستي سنتر السالميه والمباركيه اما المطاعم أشاز, فرايديز, الابراج, ميس الغانم
اكثر ما اعجبني في الكويت البحر المفتوح للجميع دون حواجز او املاك خاصه , اما الكلمه التي اقشعر لها بدني فهي التي كتبت علي قصر دسمان (لو دامت لغيرك ما وصلت اليك) اعجبتني بساطه القصور ووجودها بوسط البلد والاغرب اطلاله الابراج علي القصر الاميري السابق
وجودي علي البحر صباحا مساءا لوحدي كان كافي لتجديد وتنقيه الروح من الكثير من الرواسب
قبل العوده للبحرين حدثت زميلتي في الغرفه التي لم اكن اعرفها جيدا ان كنت ازعجتها من باب ان تنصحني
فقالت : انك تطلعين ولا تخبرين من معك وعليك مغامرات ما يستحملها بشر
اهااا كان خروجي اخر يوم بطريقه (خرج ولم يعد) هو ما اغضبهم
كل ما فعلته هو تركي لرساله ابين فيها خروجي وغبت عنهم طوال النهار
بما ان السفره لم تتعدي اليومين لم اتمكن من معرفه البلد بشكل جيد
لكن يمكنني باختصار القول ان الكويتيين يحبون الحياة والحياة تحبهم

29 Comments:

Anonymous abdullah al-dammak said...

والله قريت البوست حقك

وكأني أقرأ يومياتي في الكويت
والتي لم أزرها غير مرة وحدة في حياتي


حتى جلسة البحر الخلوة معه كان لي معاها سويعات طويلة قصيرة
وزملائي نيام


أختي الفاضلة ليال
أتمنى لك التوفيق والسداد
زمان ما علقنا بس ترى نتابع من بعيد


لك الاحترام

7:04 PM  
Blogger ammaro.com said...

حلوة الكويت, و شعبها محبوبين :)

و شكرا على الصور

7:18 PM  
Blogger moodz said...

الشياطين الكويتين عندهم بحر! يا حسرة علينا احنة البحرينين بس بالإسم بحرين، ومانحصل من البحر غير الرطوبة..

حمدلله على السلامة إختي ليال :)

10:57 PM  
Blogger Bahraini Diva said...

آآآآآه وحشتني الكويت موووت ووحشني البحر فيها ووحشني الضحك والتمشي مع صديقاتي ووحشتني بساطة أيامي وانا هناك

حمدالله على السلامه والله يصبرج على فراق الكويت

10:06 AM  
Blogger Q8ya said...

والله الكويت منورة بوجودج يالطيبه...:)

والكويتيين يحبون البحرينيين وااايد ..:)

1:54 PM  
Anonymous Fatima said...

ذكررررررتيني بأحلى الأيام في الكويت

فاتك كثير لو ما زرتي مكتبة البابطين

1:56 PM  
Anonymous محمد الشهري said...

ماشاء الله يا ليال
يعني جولة على الخليج والعالم :)
بالتوفيق والكويت بلد جميل ومثل ما قلتي اهلها يحبون الحياة وهي تستاهلهم


من زمااااان ما علقت هنا
يا دي الكسوف

:)

7:43 PM  
Blogger انسان said...

مازرت الكويت من قبل بس ان شاء الله لي طلعه لها

اما البحرين فشعبها يكفي حقيقه وخاصة الطلاب اللي مرافجهم هم بحرينيين وطيبين الواحد يخجل منهم

مشكوره

8:45 PM  
Blogger Michomeme said...

سفرة سعيدة ليااااااال

4:31 PM  
Blogger اجار الدين كشمش said...

حياج الله في كويتج

ترا احنا الكويتين محنا

راضين عن عاصمتنا..ويكن نظلم

حكومتنا ونقسي عليها طبعا

من حبنا لها

اختي العزيزه..نحن نشوف اننا

تاخرنا واااايد..وزاد الفساد

في كل شئ ..المفروض الكويت

بهذه الفوائض افضل بكثير مما

الكويت فيه ..من رياضه وتعليم

وسياحه ..اما الواجهه البحريه

التي تمتعتي بها .. فكانت من العصر الجميل والذهبي بقيادة ابو الكويت الحديثه الشيخ
جابر الاحمد الله يرحمه ..صاحب فكرة مجلس التعاون

اما الان ..وبعد سيل التجنيس السياسي وتغير التركيبه السكانيه..تعيش الكويت الازمة تلد
اخرى..والله الحافظ لنا من القادم من الايام

حيث الذين يقودون الكويت لاهم
لهم الا مصالحهم الشخصيه
وكل مجموعه من الفاسدين

تختفي تحت بشت احد ابناء الشيوخ

ولا نقول الا ان الشيوخ انفسهم سوف يندمون بعد هدم المعبد
على كراسي بعضهم البعض

لا اريد ان يضيق صدرك يازائرة

بلدك الثاني الكويت

ولكن كان بودي ان اقول لك

الكويت هي قينا الخليج

ولكن الحقيق افضل ..حتى وهي مره

اخوج الكويتي
اجار

فمالله

1:05 AM  
Blogger باغي الشهادة said...

حياك الله بالكويت
:-)

الحمدلله أن الجو جميل وبارد قليلا، لألا تسبحي ببحر الواجة وتذمي بعدها الكويت، لنظافته الزايدة
:-(

أنا في عملي ماشاءالله ما أكثر المشاريع التي تعرض علينا نستثمر بالبحرين والخليج عموما . . أما الكويت . . آخر أخبار استثماراتها التنموية . . اسقاط قروض مواطنيها الاستهلاكية
:-(

3:24 PM  
Blogger شاب مصري مفروس said...

باين عليها حلوة الكويت

انا مصري وعمري ما رحت الكويت لكن واضح انها بلد جميلة

تحياتي ليكي وارجو انك تقبلى صداقتى واتمنى التوصل

وبعد اذنك قمت باضافة مدونتك عندى

تحياتى

6:01 PM  
Blogger Barrak said...

وانا اقول الكويت هالايام شفيها منوره
اثرك عندنا
حياج الله

وللتنويه
ذكر بعض المعلقين المحترمين ان الكويتيين شياطيين

حبيت ارد بعد اذنك احنا مو شياطين
احنا مثل ماقالت اختنا العزيزه صاحبة المدونه اننا نحب الحياة

شكرا

2:49 PM  
Blogger Abdou Basha said...

فكرتيني بذكريات الطفولة في الكويت
:)
**
الهروب من جروب الرحلة مغامرة جديرة بالتقدير، فرصة لاكتشاف المكان بعيونك مش عيون المرشد أو الزملا

9:59 PM  
Blogger tweety said...

أول شي الكويت انشالله دايما حضن للطيبين مثلج وشرواج
بس زعلتيييييييييييييييييييييني ليش ما قلتي انج ياية جان قمنا بالواجب ؟

انشالله اليايات وانشالله ما تنقطع زيارتج لنا ولا زياراتنا لكم يارب

1:17 AM  
Blogger hend...hanady said...

بس بجد انت شوقتينى اشوف منظر البحر
اتمنى انك تكونى انبسطتى فى الرحلة
وكل عام وانت بخير

10:08 PM  
Blogger Redrose said...

والله ذكرتيني بايام الكويت رحتها مرة واحدة قبل 9 أشهر وشعرت براحة نفسية وشعبها في حالهم والمارينا تجنن....أمزت في البحر والمراكب البحرية بانواعها

http://umismail.wordpress.com

12:23 AM  
Blogger Jeff said...

Layal, thank you for the "Merry Christmas" on the other blog.

And Happy Eid in return to you and yours.

Thanks for remembering me! :)

4:32 PM  
Anonymous بحرينية said...

الكويت
اعشق هذا البلد بكل معانيه
:D
حمدلله على السلامة يا ليال و اللقطات الملتقطة جدا موفقة

1:47 AM  
Blogger 乂♥Not.ViRGo♥乂 said...

هذا من طيب أصلكم وطيب قلوبكم

أنا بعد أموووت بشعب البحرين
تعجبني بساطتهم و هدوئهم و سعة بالهم

حياكم الله تشرفووون ديرتنا :)

3:22 AM  
Blogger حياتي هدف مو عبث said...

حيا الله أهل البحرين
وشكراً على الكلام الحلو عن الكويت :)

9:12 AM  
Blogger أُكتب بالرصاص said...

كل سنة وانت طيبة يا ليال
وعساكم من عواده

9:18 AM  
Blogger layal said...

abdullah al-dammak
اهلين عبدالله صراحه افتقدناك وافتقدنا كتاباتك
وجود البحر بهذا الاتساع في الكويت جعلني اشعر بالفرق الكبير بين جزيره لا تري البحر وبين ساحل الكويت الرحب
خلوه البحر كانت امر اخر
اسعدني تعليقك وتواجدك
علي الاقل تطمنا انك بخير
تحياتي -ولا تطول

ammaro.com
كان المفروض انزل صور ثانيه بس عامل الوقت يلعب دور

moodz
الا بالاسم جزيره
اصابتي الحسره علي شواطئنا الني لم يعد لها وجود
والله يسلمك

Bahraini Diva
اهلها يا حلوهم
الله يعودك وترجعين لهم
وحياك الله

Q8ya
الكويت منوره بالاهلها
بس مليت من المجموعه وكثر تسوقهم

Fatima
صح فاتني -بس ان شاء الله الزياره القادمه بتكون في قائمه الاماكن التي راح ازورها

محمد الشهري
لا كسوف ولا حاجه
حياك الله بأي وقت -قد لا نجد ما نعلق عليه احيانا نكتفي بالقراءه -تحصل في احسن العائلات :-)
الله يسمع منك وتكون جوله حول العالم

انسان
اخجلتم تواضعنا
:-)
وحياك الله

Michomeme
شكرا ميشو والله يكتب لنا ونزوركم ان شاء الله يا رب

1:16 PM  
Blogger layal said...

اجار الدين كشمش
استغربت من كلامك عن التجنيس
لم اسمع عن موضوع التجنيس في الكويت
وسياسي ؟؟
ممكن توضح لي الصوره لو سمحت

من هم علي الكرسي الان لن يندمون
هم زرعوا ونحن نحصد ونحن نزرع وهم يحصدون
سيندم من يأتي بعدهم ويرثوا الكراسي
مشكور علي المعلومه
واتمني اقرء توضيحك

باغي الشهادة
ما سبحت لكن الجو صراحه كان باااارد
ما شفنا اي خير من الاستثمارات خصوصا العقاريه
خلكم بعيد عنها
وحياك الله

شاب مصري مفروس
بالتأكيد وحياك الله
لي كل الشرف

Barrak
الكويت منوره بأهلها
والله حاسه باللي فيه ما قال شياطين بقصد الاذيه لكن من اللي يشوفه في الديره عندنا ويقارن
الله يزيدكم من فضله ان شاء الله

Abdou Basha
تصدق هذا اللي كان ببالي هروب وراحه بال بعيد عن فوضي المجمعات والتسوق
هي صراحه كانت مغامره ولا اجمل

tweety
حياكم الله
وزعلج علي راسي
المره اليايه بخليج مرشده سياحيه بس استحملي فضولي
:-)

hend...hanady
البحر كان قصه لوحده
نسيت هموم الدنيا هناك
راحه واستجمام
تمنياتي لك بزياره مماثله

Redrose
المارينا رغم حلوته لكن الزحمه فيه هي اللي خربت الجو
تحياتي وحياك الله

Jeff
U allways wellcome Jeff
wish u all the best
:-)

بحرينية
الله يسلمك :-)
صور الكويت ما حطيت منها شي انتظريني
ان شاء الله علي الفليكر

乂♥Not.ViRGo♥乂
الله يحييج ويسلمج
وشكرا علي ما ذكرتي

حياتي هدف مو عبث
الله يحييك
وتراني ما قلت شي :-)

أُكتب بالرصاص
وانت طيب وينعاد علينا وعليك وانت بصحه وسلامه

11:15 AM  
Anonymous Ahmed Mansoori said...

الحمدلله على السلامة
و الله صج انه قبل سبوع كنت في الكويت و بعد واحشتني

انه اصلي كويتي بس انولدت في البحرين لأن صارت للوالد و الوالدة زيارة للبحرين و من لما دخل صدام الكويت احنا بقينا و للحين في البحرين

بس انشألله اتخرج من الجامعة اروح الكويت اعيش في بيتنا

صج اني انولدت في البحرين بس اكرهها من الي قاعد يصير فيها من ظلم

2:40 AM  
Anonymous point said...

الكويت منبع صاف ..
بلد جميل و هادئ ..
رائعه بكل المقاييس


رحلة جميلة و وصف جمالي رائع

6:26 PM  
Blogger ولد الديرة said...

والله محد طيب الا انتوا يا البحرينيين

والسعوديين

والقطريين

والامارتيين

والعمانيين

والمصريين

مدري نسيت جنسية من جنسيات المعلقين والا لا؟

:P

ادام الله المحبة :)

عاد مرة ثانية نبي حلوى المروج

10:29 PM  
Blogger mahmoud said...

مجهود رائع

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

مطعم على الطاير

4:49 PM  
Anonymous meedar said...

والله احنا الكويتين نزداد شرف بصراحه اذا شفنه اخوانه الخليجين مرتاحين بالديره لانه الخليج كلا واحد و الله يعطيج العافيه على المواضيع الرائعه بصراحه و انا واحد من الناس الي اتمنى اكون فرند ويا البلوق مالج

1:19 PM  

Post a Comment

Subscribe to Post Comments [Atom]

<< Home